HStAOrient5a: 56r

Yaʿnī ḥınṭada ḥurmet‑i ribā īcād ėden mümās̱elet ʿilleti olıcaq // erüzde de mevcūddur. Wa‑qis ʿalā hāḏā. Ẕikr‑i meẕāhib‑i [erbaʿa]: Maʿlūm // ola ki ʿulūm‑i ʿamelīyeden ġāyet [ü] ġaraż taḥṣīl‑i ẓann‑i ġālibdür tekmīl‑i // yaqīn qāṭiʿ degüldür. Ol ecldendür ki muqallid qanġı müctehidüñ // meẕhebine ẕāhib olsa cāʾiz ve qanġı ʿālimüñ ẕeyline müteşebbis̱ // olsa mümkindür. Ammā ʿulūm‑i iʿtiqādīye yaqīnīyedür ẓannīye degüldür. // Zīrā ḥaqq bunda vāḥiddür ve iʿtiqād‑i ḫilāf bāṭıl[dur]. Pes ʿulūm‑i // ʿamelīyede her müctehidüñ ẓann‑i ġālibi muʿteberdür. Müctehide ve muqallide // ẓann‑i ġālibi ile ʿamel vācibdür. İʿtiqād‑i ḫilāf bāṭıl degüldür iḥtimāldür ki // ḥaqq ola. Pes meẕheb‑i ehl‑i sünnetde müctehid gāh muḫṭī gāh muṣīb. // Ammā meẕheb‑i Muʿtezilede her müctehid muṣībdür. Zīrā Muʿtezilī // qatında ictihādīyātda ḥaqq müteʿaddeddür. Ehl‑i sünnet qatında // vāḥiddür. Pes müctehid eger ḥaqqa iṣābet ėderse ecreyne müsteḥaqq // olur biri iṣābet biri ictihād muqābelesinde. Ammā ḫaṭā ėderse ecr‑i vāḥide müsteḥaqq olur ictihād muqābelesinde dėdiler. // Baʿdehū şerʿ‑i Muḥammedīyede meẕāhib‑i muʿtemed ileyhi dörtdür Evvel meẕheb‑i // Ebū Ḥanīfe ki İmām-i Aʿẓam ve müctehid‑i aqdem olur. Ammā meẕheb‑i // mezbūrda telāmīẕüñ iḫtilāfı ḥasebi ile iḫtilāf vāqiʿ olmışdur. // İmām Ebū Yūsuf ile İmām Muḥammed gibi. Ammā cümlesinüñ uṣūli